عاجل

الاخبار اليوم - كواعب أحمد البراهمي تكتب: الجندي المجهول (شعر)

0 تعليق 0 ارسل لصديق نسخة للطباعة تبليغ

موقع الوحدة الاخباري نقدم لكم اخر المستجدات على الساحة العربية والعالمية واخر الاخبار لحظة وقوعها اخر الاخبار الرياضية والعربية والعالمية والاخبار المنوعة كما ونقدم لكم حصادنا الاخباري لجميع الدول العربية

أنا المصري 

أنا دايما سابق عصري 

محدش يمكن سمع إسمي 

ولا عيونه شافت رسمي 

لكن موجود 

في صبح يغني للدنيا 

بكل فرحة وإطمئنان 

في شاب رايح يشوف شغله 

ويروي أرضه والبستان 

في شابة حلوة وصبية 

بتقطف زرعها النادي 

وعود ريحان 

في أبن يذاكر 

وشاب يعافر 

وناس شقيانه 

وناس فرحانه 

وناس مجروحة

 م الدنيا 

وناس بتعاني 

م الحرمان 

أنا اللي دفعت من عمري 

ومن دمي 

ومن فرحة أبويا وأمي 

و كان همي 

إن أنت تعيش في أمان 

أنا اللي كنت بسهر ليل 

وعيني ما شافت الراحه 

أنا اللي كنت في صهد الشمس 

وليل البرد 

عيني ما تعرف النومه 

وانت تبات هني ونعسان 

أنا في كل عصر 

من كل مصر 

شايل سيفي وسلاحي 

حاضن قلبي وجراحي 

راسم ضحكي في شفايف 

ولا عمري أكون خايف 

وممكن أكون فقير غلبان 

ولا عمري كرهت إنسان

لكن لما الوطن ينده 

أقوم ثاير 

ودمي الهادي في عروقي 

يصير فاير 

وتلاقيني واحد  تاني

 ورغم الفقر و الحوجه 

نفسي عاليه   وأبيه 

وقلبي غني وشبعان 

أنا لا رتبة ولا شارة 

ولا أبن فتوة الحارة 

أنا من أرض مصر الطيبة 

وناس  دمعتها قريبة 

لكن علشان أوطانها 

تضحي  بأغلي ما عندها 

ويكون أبنها الهبة .

موقع الوحدة الاخباري نقدم لكم اخر المستجدات على الساحة العربية والعالمية واخر الاخبار لحظة وقوعها اخر الاخبار الرياضية والعربية والعالمية والاخبار المنوعة كما ونقدم لكم حصادنا الاخباري لجميع الدول العربية

---------------------------------------------------
مصدر الخبر الاصلي موقع : صدى البلد

أخبار ذات صلة

0 تعليق